الفكرة
ظلك بيعيد كل حاجة عملتها، بعد كام ثانية ثابتة. وهو ماشي بيعيد، بيبقى حاجة حقيقية في الدنيا — تقف عليه، يقف في طريقك، أو يمسكك.
يعني لو عايز زرار يفضل مدوس هناك، لازم تروح تقف عليه انت بنفسك قبلها بشوية، وبعدين تمشي وتكون في مكان تاني لما نفسك القديمة توصل وتدوسه. فبتقضي اللعبة وانت بتعمل حاجات شكلها ملهاش لازمة، وانت عارف إنها الحل لمشكلة لسه موصلتش لها.
مفيش زرار تسجيل ومفيش رجوع بالوقت. التأخير شغال سواء انت جاهز أو لأ، وده اللي بيخلي الإحساس أقرب لإنك متطارد من إنه لغز هادي.
نزّل اللعبة
نفس اللعبة في كل حتة، ونفس المراحل. ومجانية في كله.
المتصفح
من غير تحميل خالص — موبايل أو كمبيوتر.
إلعب دلوقتي- عايزها أيقونة على الشاشة؟ على أندرويد من قايمة Chrome اختار «إضافة إلى الشاشة الرئيسية».
- على الكمبيوتر، أيقونة التسطيب في آخر شريط العنوان في Chrome أو Edge
أندرويد
Google Play — قريباًولحد ما تنزل على المتجر، تقدر تسطّب الـAPK على طول:
نزّل الـAPK- افتح الصفحة من الموبايل ونزّل الملف اللي آخره .apk
- افتحه، ولو سأل اسمح بالتسطيب من المصدر ده.
آيفون وآيباد
App Store — قريباًولحد ما تنزل، اللعبة شغالة من Safari كأنها أبلكيشن:
- افتح صفحة اللعب في Safari
- زرار المشاركة ← «إضافة إلى الشاشة الرئيسية».
كمبيوتر
على itch.io أو من GitHubالأسهل: أبلكيشن itch بيسطّبها ويحدّثها لوحده كل نسخة. أو نزّل الملف وفكّه:
- ويندوز: فك الـzip وشغّل waraya.exe — ولو ظهر تحذير SmartScreen اختار More info وبعدين Run anyway
- ماك: فك الـzip وافتح waraya.app. لو قال إنه مش قادر يتأكد منه: System Settings ← Privacy & Security ← Open Anyway، مرة واحدة
- لينكس: فك الملف وشغّل ./waraya
التحذيرات دي عشان النسخة مش ممضية بشهادة مدفوعة، مش عشان فيها حاجة.
التحكم
كمبيوتر
موبايل
عن المشروع
ستاشر مرحلة. العشرة الأولانيين كل واحدة بتعلّم حاجة واحدة وبعدين تسيبها: الزرار، المنصة، العقبة، التضحية، المفتاح اللي ماضيك بيقلبه تاني، النور اللي جوّاه ظلك مش موجود، وظلين في نفس الوقت. والست اللي بعدهم بيجمعوا ده كله. التأخير بيتغير من مرحلة للي بعدها — نفس التصميم بتأخير تاني بيبقى لغز تاني. وتقدّمك بيتحفظ: تقفل وترجع تلاقي نفسك مكانك.
المكان مصر المعاصرة، مش مصر القديمة. كل حاجة غامقة في الصورة فوق دي صورة فوتوغرافية لمكان حقيقي، متقصوصة silhouette ومتحطة في طبقات.
مشروع شخص واحد، يوم في الأسبوع، بـFlutter وFlame. الكود كله مفتوح على GitHub.
In English: you do not control your shadow — you control what it will do a few seconds from now. It repeats everything you did, that long ago, and it is a real thing in the world while it does it: something to stand on, something in your way, something that can catch you. Sixteen puzzles, in the browser, no install — or on Android, iPhone and desktop (how to install). Built in Flutter and Flame, one day a week. Source on GitHub.
تواصل
لقيت باج، أو مرحلة حاسس إنها ظالمة، أو عندك فكرة؟ اكتبها هنا — عربي أو إنجليزي، ومن غير ما تعرف أي حاجة في البرمجة:
محتاج حساب GitHub (مجاني). ولو بتبلّغ عن مرحلة، اكتب اسمها اللي بيظهر على الشاشة، وجهازك إيه.
Contact: bugs, unfair levels and ideas go to GitHub issues (a free account is needed), in Arabic or English.